المقادير:
صدر دجاجه مسلوقه في مكعب ماجي وحبتين هيل
مربعات سبرنغ رول
حبة بصله مفرمه وحبه مقطعه شرايح – 3 فصوص ثوم مفرومين>> حسب رغبه – حبة طماطم شرايح – حبة بطاطس شرايح وحبة مكعبات صغيره – حبة فلفل رومي مقطع مكعبات صغيره - حبة جزر مبشورة – حبة كوسه مبشوره – نص كوب ذره – نص كوب بازلا
البهارات ((ملعقه صغيره كمون – ملعقه صغيره كزبره – ملعقه صغيره فلفل اسود – ملعقه كبيره بهارات كاري – ليمون اسود مطحون))
مكعب ماجي – فنجان قهوه صوص الصويا – كوب شاهي ذوبي فيه نص مكعب ماجي – 3ملاعق زيت زيتون
الصوص للوجه ((علبة قشطه – ملعقتين مليانه جبنه سائله – ملعقه مليانه مايونيز – وحبتين كيري تعطيها طعم جنان ))
الطريقه:
اول شي الحشوه:
حطي زيت بالطاوه وحطي عليه البصل والثوم المفرومين
قلبيهم شوي وحطي عليه الجزر والبطاطس والكوسا والفلفل الرومي
قلبيهم وحطي عليها الذره والبازلا
حطي عليه كوب ماء وغطي عليه تقريبا ربع ساعه
بعد ماتسوي الخضار اضيفي الدجاج بعد ماتنتفينه
حطي عليها الكمون والفلفل الاسود والكزبرة ونص مكعب ماجي ورشة ملح وبهارات الكاري وصوص الصويا
قلبيهم لما يتجانسو وبيصيرو كذا طفي النار عليهم
اللحين نجي للصينيه
حطي بااسفلها شرايح البصل والبطاطس والطماطم رشي عليها رشة بهارات من الكمون والملح والفلفل الاسود والكزبره والليمون الناشف المدقوق وكوب مويه مذوب فيه نص مكعب ماجي و3 ملاعق زيت زيتون
خذي مربع واحد من العجينه وحطي الحشوة فيها
بعد مانخلص نحطهم في بالصينيه
وهنا اكتمل العدد
حطي فوقها الصوص الابيض
نحط عليها السماق والزعتر
غطيها
ندخلها بالفرن لمدة 20 دقيقه من تحت على نار متوسطه
ونحمرها من فوق واذا مااستوى غطيها ورجعيها واحسبيلها كمان 10 دقايق
صحتين وعافيه
مع تحياتي نيوسه
اشوفكم في موضوع
تاني